«Para alý arqyly A. Jankın oryndalmaǵan jumystardy jasyryp qalǵan. Iаǵnı, merdiger kompanııa Qyzyljar aýdanyndaǵy 948-shi shaqyrymda ornalasqan «Ý Ksıýshı» dámhanasynyń mańynda baıqaý estakadasyn jáne demalys kúrkesin ornatýlary tıis edi. Budan bólek, «Lana» dámhanasynan «Ońtústik» baqylaý beketine deıingi jolda qorshaý turǵyzylý kerek edi. Biraq, bul jumystar atqarylmaǵan. Istiń sońy para alýmen aıaqtalǵan», deıdi prokýror Raýan Bostanov.
Qúdikti óz kinásin tolyq moıyndaǵandyqtan, qorǵaýshy qylmystyq isti qysqartylǵan tártippen qaraýdy usynyp, ótinishti sýdıa qabyl aldy.
Qorǵaýshy aıyptalýshy jazany aıyppul retinde ótese degen taǵy bir usynys túsirdi. Onyń mólsheri 120 mln teńge.
Sýdıanyń qandaı úkim shyǵaratyny kelesi otyrysta belgili bolady.
Budan bólek deldaldyq qyzmet atqarǵan taǵy eki adamǵa qatysty qylmystyq is qozǵalyp otyr.
О́mir Esqalı,
«Egemen Qazaqstan»
Soltústik Qazaqstan oblysy
